Xalqaro hamkorlik
AIFU va BAÜN TTO o‘rtasida xalqaro hamkorlik yo‘lga qo‘yildi
Xalqaro hamkorlikni rivojlantirish doirasida Balıkesir universiteti Texnologiyalar transferi ofisi (BAÜN TTO) va Aniq va ijtimoiy fanlar universiteti (AIFU) o‘rtasida rasmiy uchrashuv bo‘lib o‘tdi. Mazkur uchrashuvda Aniq va ijtimoiy fanlar universiteti…

Xalqaro hamkorlikni rivojlantirish doirasida Balıkesir universiteti Texnologiyalar transferi ofisi (BAÜN TTO) va Aniq va ijtimoiy fanlar universiteti (AIFU) o‘rtasida rasmiy uchrashuv bo‘lib o‘tdi.
Mazkur uchrashuvda Aniq va ijtimoiy fanlar universiteti rektori, professor G‘olibjon Botirov boshchiligidagi delegatsiya ishtirok etdi. Shuningdek, uchrashuvda Balıkesir universiteti Chet tillar maktabi direktori va AIFU huzuridagi O‘zbek–Turk xalqaro fan, madaniyat va san’at markazi professori, doktor Halil Küçükler ham qatnashdi.
Delegatsiyani Balıkesir universiteti prorektori va BAÜN TTO prezidenti, professor Fatih Satil, BAÜN TTO koordinatori, dotsent doktor Fatmagül Tolun, shuningdek, BAÜN TTO jamoasi a’zolari doktor Aytekin Ulutaş va doktor Mesut Eryiğit kutib oldilar.
Uchrashuv davomida BAÜN TTO tomonidan amalga oshirilayotgan texnologiyalar transferi, tadbirkorlik, intellektual mulkni boshqarish hamda universitet–sanoat hamkorligi yo‘nalishidagi faoliyatlar yuzasidan batafsil ma’lumot berildi. Tomonlar ushbu yo‘nalishlarda qo‘shma loyihalarni amalga oshirish, tadbirkorlik dasturlarini rivojlantirish hamda xalqaro hamkorlik mexanizmlarini kengaytirish masalalarini muhokama qildilar.
Tashrif yakunida Balıkesir universiteti Texnologiyalar transferi ofisi va Aniq va ijtimoiy fanlar universiteti o‘rtasida texnologiyalar transferi va innovatsiya sohalarida qo‘shma tadqiqotlarni rivojlantirishga qaratilgan hamkorlik protokoli imzolandi. Ushbu protokol ikki oliy ta’lim muassasasi o‘rtasida barqaror, uzoq muddatli va o‘zaro manfaatli hamkorlikni yo‘lga qo‘yishga xizmat qiladi.
Mazkur hamkorlik AIFUning xalqaro ilmiy aloqalarini mustahkamlash, innovatsion faoliyatni rivojlantirish hamda ta’lim va ilm-fan integratsiyasini kengaytirishda muhim qadam bo‘lib xizmat qiladi.
Tegishli

AIFU va Xi’an International University o‘rtasida yangi ta’lim dasturlari muhokama qilindi
Aniq va ijtimoiy fanlar universitetida Xi’an International University (XAIU) vakillari bilan uchrashuv bo‘lib o‘tdi. Muzokaralarda ikki universitet o‘rtasida 2+2 va 1+2+1 formatidagi qo‘shma ta’lim dasturlarini yo‘lga qo‘yish, talabalar almashinuvini…
1 daqiqa o‘qish

AIFUda 16 mamlakat vakillarini birlashtirgan ICTS 2026 xalqaro konferensiyasi o‘tkazildi
26-sentabr kuni Aniq va ijtimoiy fanlar universitetida Og‘zaki va yozma tarjimashunoslik bo‘yicha 7-xalqaro konferensiya — ICTS 2026 bo‘lib o‘tdi. Aniq va ijtimoiy fanlar universiteti hamda Silk Road Global Institute hamkorligida tashkil etilgan anjumanda…
1 daqiqa o‘qish

Universitat Autònoma de Barcelona (UAB) professori Pilar Sánchez-Gijón ICTS 2026 bosh ma’ruzachisi
AI tarjima qilayotgan davrda mutaxassis nimasi bilan ustun bo‘ladi? Universitat Autònoma de Barcelona (UAB) professori Pilar Sánchez-Gijón — ICTS 2026 (7th International Conference on Translation Studies) bosh ma’ruzachisi! U 2001-yildan beri tarjima…
1 daqiqa o‘qish
